Միացյալ Նահանգների պաշտպանության նախարարությունը հայտարարել է հինգշաբթի, փետրվարի 16–ին Բաքվում ԱՄՆ–ի Զինված ուժերի շտաբերի պետերի միավորված կոմիտեի ղեկավար Ջոզեֆ Դանֆորդի եւ Ռուսաստանի ԶՈւ գլխավոր շտաբի Վալերի Գերասիմովի հանդիպման մասին։ Սա նման մակարդակի առաջին հանդիպումն է վերջին երեք տարում, հաղորդում է BBC–ն։
Պենտագոնի մամուլի ծառայության տվյալներով, զորահրամանատարները «քննարկելու են հարցերի սպեկտր, որը ներառում է ռուս–ամերիկյան ռազմական հարաբերությունների ներկայիս վիճակը եւ սխալներն ու պոտենցիալ ճգնաժամերը կանխելու նպատակով զինվորականների միջեւ հստակ եւ հետեւողական հարաբերությունների կարեւորությունը»։ Բանակցությունների օրակարգի մանրամասները չեն հաղորդվում։
