Պենտագոնի ղեկավար Ջիմ Մաթթիսը պայմաններ չի տեսնում Ռուսաստանի հետ ռազմական համագործակցության համար։ Այս մասին Մաթթիսը հայտնել է Բրյուսելում ՆԱՏՕ-ի շտաբ բնակարանում հանդիպման ավարտից հետո, փոխանցում է Reuters–ը։
«Մենք հիմա այն վիճակում չենք, որ համագործակցենք ռազմական ոլորտում։ Բայց մեր քաղաքական առաջնորդները կձգտեն ընդհանուր լեզու գտնել»,-ասել է Մաթթիսը։ Պատասխանելով այն հարցին, հավատում է արդյոք ինքը, որ Ռուսաստանը միջամտել է ԱՄՆ նախագահական ընտրությունների ընթացքին, Մաթթիսը նշել է, որ հիմա արդեն քիչ կասկածներ են մնացել այն կապակցությամբ, որ Ռուսաստանը միջամտել է կամ փորձել է միջամտել ժողովրդավարական երկրներում ընթացող ընտրություններին։