Հարավային Կորեայում ձերբակալվել է երկրի ամենահարուստ գործարարներից մեկը՝ Samsung Electronics ընկերության փոխնախագահ եւ փաստացի ղեկավար Լի Չժե Յոնը՝ կապված կոռուպցիոն սկանդալի հետ, որը հանգեցրել է երկրի նախագահ Պակ Կին Հեի իմպիչմենտին, հաղորդում է BBC-ն։
Հունվարին Հարավային Կորեայում դատարանը մերժել է Լի Չժե Յոնի ձերբակալման հարցումը, սակայն դրանից հետո դատարանի ձեռքի տակ նոր ապացույցներ են հայտնվել։
Նա մեղադրվում է երկրի նախագահի՝ Պակ Կին Հեի ընկերուհու՝ Չհվե Սուն Սիլի վերահսկողության ներքո գտնվող հիմնադրամ միջոցների ապօրինի փոխանցման մեջ։ Յոնը հերքում է ծառայողական դիրքի չարաշահումը։
