ԱՄՆ պետքարտուղար Ռեքս Թիլերսոնն առաջին արտասահմանյան այցի ընթացքում Բոննում առանց հյուրանոցի է մնացել: Ըստ Bloomberg-ի, երբ Թիլերսոնը հաստատել է այցը, հյուրանոցում բոլոր համարներն արդեն ամրագրված են եղել: Արդյունքում ամերիկացի պաշտոնյան ստիպված է եղել իջեւանել գերմանական գյուղի առողջարաններից մեկում՝ G20-ի նիստի անցկացման վայրից 30 րոպեի հեռավորությամբ:
Արդյունքում բոլոր այն նախարարները, որոնց ցանկացել են հանդիպել ԱՄՆ պետքարտուղարի հետ, այդ թվում՝ Մեծ Բրիտանիայի ԱԳ նախարար Բորիս Ջոնսոնը, ստիպված են եղել առողջարան հասնել:
Սա Թիլերսոնի այցն ուղեկցող միակ անհարմար իրավիճակը չի եղել: Ռուսաստանցի գործընկեր Սերգեյ Լավրովի հետ հանդիպման ընթացքում պետքարտուղարի օգնականները Լավրովի բացման ելույթից հետո լրագրողներին խնդրել են հեռանալ սենյակից: Լավրովը հետաքրքրվել է, թե ինչն է պատճառը: