Ռուսաստանի դեմ ԵՄ պատժամիջոցները պետք է պահպանվեն մինչ Ուկրաինայի հարավում ճգնաժամի կարգավորման վերաբերյալ Մինսկի համաձայնագրերի իրականացումը։ Այսպես է կարծում Եվրամիության արտաքին քաղաքականության գծով գերագույն հանձնակատար Ֆեդերիկա Մոգերինին, հաղորդում է RIA Novosti-ն։
«Մեզ համար շատ կարեւոր է, որ Մինսկի համաձայնագրերն ամբողջությամբ իրականացվեն։ Ինչպես գիտեք, մեզ մոտ գործում են Ռուսաստանի դեմ պատժամիջոցներ՝ ինչպես Ղրիմի ապօրինի բռնակցման, այնպես էլ Ուկրաինայի հարավում հակամարտության պատճառով։ Այդ պատժամիջոցները հստակորեն կապված են Մինսկի համաձայնագրերի իրականացման հետ, եւ ԵՄ նման դիրքորոշումը կպահպանվի»,-ասել է Մոգերինին Մյունխենի անվտանգության համաժողովի ժամանակ։