Գերմանիայի կառավարությունը չի կարող հետեւել պաշտպանական բյուջեն կտրուկ ավելացնելու՝ ԱՄՆ-ի կոչին: DW-ի փոխանցմամբ՝ այս մասին հայտարարել է Գերմանիայի ԱԳ նախարար Զիգմար Գաբրիելը:
Մյունխենում անցկացվող անվտանգության հարցերին նվիրված համաժողովի ժամանակ Գաբրիելը զգուշացրել է, որ Վաշինգտոնում իշխանության փոփոխությունից հետո ՆԱՏՕ-ի երկրները չպետք է տրվեն սպառազինությունների մրցավազքի «գայթակղությանը», եւ հավելել, որ սպառազինության ծախսերի ավելացումն աշխարհն ավելի անվտանգ չի դարձնի:
ԱԳ նախարարը նաեւ նշել է, որ հասկանում է Վաշինգտոնի ակնկալիքները, որ եվրոպացիները պետք է ավելի ակտիվ լինեն: Բայց, ըստ նրա, ճակատագրական սխալ կլիներ Եվրոպայից ակտիվություն ակնկալել, եթե առանձին պետությունների բաժանվելու վտանգ կա: