Սիրիայում զինյալների կողմից Ռուսաստանից 4 հազար մարդ է կռվում։ Այս մասին հայտնել է Ռուսաստանի նախագահ Վլադիմիր Պուտինը, փոխանցում է ՏԱՍՍ-ը։ Նա նաև հավելել է, որ նախկին խորհրդային երկրներից էլ 5 հազար մարդ է Սիրիայում մարտնչում զինյալների կողմից։
«Մեզ համար նվազ կարևոր չէ այն հանգամանքը, որ Սիրիայի տարածքում կուտակվել են հսկայական քանակության զինյալներ ,որոնք ծագումով ԽՍՀՄ նախկին երկրներից են ու հենց Ռուսաստանից։ Մեր նախնական տվյալներով խոսքը հազարավոր զինյալների մասին է, Ռուսաստանից՝ 4 հազար, իսկ նախկին ԽՍՀՄ երկրներից՝ մոտ 5 հազար մարդ»,- հայտնել է Պուտինը։
Նա նշել է, որ հաշվի առնելով հետխորհրդային գրեթե ամբողջ տարածքում գործող անվիզա ռեժիմը՝ պետք է հասկանալ, թե ինչ հսկայական վտանգ է պարունակում «ահաբեկչության այդ օրրանը մեզ՝ Ռուսաստանի համար»