Հայաստանը շրջադարձային փուլում է, քանի որ առաջիկա խորհրդարանական ընտրություններից շատ բան կարող է կախված լինել: Փետրվարի 24-ին կայացած մամուլի ասուլիսում այս մասին հայտարարել է Հայաստանում Եվրամիության առաքելության ղեկավար, դեսպան Պյոտր Սվիտալսկին:
Նրա խոսքով՝ կարեւոր է շարքային քաղաքացիների կողմից ընտրությունների ընկալումը:
«Այդ պատճառով մենք սատարում ենք քաղաքացիական հասարակությանը: Բայց ամենակարեւորը քաղաքական ընկալումն է. դա այն է, թե բնակչությունը որքանով է հավատում, որ ընտրությունների արդյունքները համապատասխանում են մարդկանց քաղաքական նախընտրություններին: Հայերն ուզում են մեծ վստահություն ունենալ ընտրությունների հանդեպ: Քվեարկությունից հետո մենք դրական սցենար ենք ակնկալում»,- նշել է Սվիտալսկին: