Ֆրանսիայի վարչապետ Բերնար Կազնեւը համարում է, որ Ազգային ճակատ կուսակցության առաջնորդ Մարին Լը Պենը, որը հրաժարվել է ներկայանալ ոստիկանություն՝ հարցաքննության, «չի կարող իրեն օրենքից վեր դասել»։
«Ոչ մի քաղաքական գործիչ, եթե նա հանրապետական է, չի կարող հրաժարվել արդարադատության պահանջին ենթարկվելուց։ Եթե հավակնում ես ավելի բարձր պետական պաշտոնների, չես կարող քեզ օրենքից վեր դասել»,- ասել է Կազնեւը Ֆրանս փրես գործակալությանը։
Հիշեցնենք, որ Լը Պենը հրաժարվել է ոստիկանություն ներկայանալ, որտեղ նրան պետք է հարցաքննեն իր թիմի երկու անդամներին ԵՎրախորհրդարանում ֆիկտիվ աշխատանքի դասավորելու գործով։ Նրա փաստաբանն ասել էր , որ Լը Պենը կներկայանա հարցաքննության նախագահական ընտրություններից հետո։
