Թուրքիայի պաշտպանության նախարար Ֆիքրի Ըշըքի շարասյան վրա Քոջաէլի նահանգում զինված հարձակում է իրականացվել։
Թուրքական Cumhuriyet-ի փոխանցմամբ՝ Թուրքիայի պաշտպանության նախարար Ֆիքրի Ըշըքը Քոջաէլի նահանգի Դիլիվասըի շրջանում հանդիպումներ է ունեցել, որից հետո ավտոշարասյունով ճանապարհը շարունակել է դեպի Դերինջե։
Այդ ընթացքում ավտոշարասյան վերջին մեքենայի ուղղությամբ կրակոցներ են հնչել անծանոթ մեքենայից։ Ոստիկանությունը սկսել է հետապնդել ու կանգնեցնել այդ մեքենան։ Ոստիկանությունը մեքենայում գտնվողներին ձերբակալել ու տեղափոխել է ոստիկանատուն։