«Սասնա ծռեր» խմբի անդամ Արայիկ Խանդոյանի՝ «Միայնակ գայլ» մոտից հայտնաբերվել է գումար: Այս մասին այսօր՝ հունիսի 22-ին, NEWS.am-ին տեղեկացրեց ԱՆ ՔԿՎ հանրային կապերի բաժնի պետ Գոռ Ղլեչյանը:
NEWS.am-ի հետ զրույցում Արայիկ Խանդոյանի պաշտպան Արայիկ Պապիկյանը նշել էր, որ Արայիկ Խանդոյանի մոտից արգելված իրը հայտնաբերվել է հունիսի 21-ի առավոտյան, որից հետո իր պաշտպանյալը մասնակցել է դատական նիստին, այնուհետեւ առողջական վատ վիճակով՝ հոգնած, սոված եւ ցածր ճնշումով, տեղափոխվել պատժախուց:
Նշենք, որ Արայիկ Խանդոյանին մեղադրանք է առաջադրվել ՀՀ ՔՕ 235-րդ հոդվածի 3-րդ մասով (Կազմակերպված խմբի կողմից զենք-զինամթերք ձեռք բերելը, կրելը), 218-րդ հոդվածի 3-րդ մասի 1-ին կետով (կազմակերպված խմբի կողմից պատանդ վերցնելը), 238-րդ հոդվածի 4-րդ մասի 1-ին եւ 2-րդ կետերով:
