Դեռ Եվրամիության գյուղատնտեսության բոլոր հատվածները չեն կարողացել վերականգնվել եվրոպական պատժամիջոցների պատճառով Ռուսաստանի սահմանած պարենային էմբարգոյից հետո։ «ՌԻԱ Նովոստի»-ի փոխանցմամբ՝ նման եզրակացության կարելի է հանգել Եվրահանձնաժողովի նյութերից։
2013 թվականին, այսինքն՝ վերջին տարին մինչեւ էմբարգոն, Եվրամիության Ռուսաստան մատակարարած (այժմ արգելված) ապրանքների ծավալը 5․06 մլրդ եվրո է կազմել։ Մսամթերքի արտահանմանը 1․2 մլրդ եվրո է «բաժին ընկել», 1․3 մլրդ եվրո՝ մրգերին, բանջարեղենին՝ 0․8 մլրդ եվրո։
«Էմբարգոն, իհարկե, ազդել է ԵՄ-ի՝ Ռուսաստան գյուղմթերքի արտահանման վրա, որը 2013 թվականի 11․8 մլրդ եվրոյից 2016 թվականին հասել է շուրջ 5․6 մլրդ եվրոյի»,-ասվում է Եվրահանձնաժողովի նյութերում։