Հյուսիսային Կորեայի մոտ 3․5 մլն երիտասարդներ ու պաշտոնանկ զինվորներ դիմում են ներկայացրել զինկոմիսարիատներ՝ խնդրելով իրենց վերցնել ռազմական ծառայության՝ ԱՄՆ-ի դեմ հնարավոր ռազմական գործողություններին մասնակցելու համար։ Նման տվյալներ է ներկայացնում Հյուսիսային Կորեայի Բանվորական կուսակցության «Նոդոն Սինմուն» թերթը։ Ըստ պարբերականի՝ այս քանակության դիմումներ են ստացվել ԱՄՆ-ի հասցեին Հյուսիսային Կորեայի իշխանությունների կոշտ քննադատությանը հաջորդած երեք օրերի ընթացքում։
ԱՄՆ-ի դեմ պայքարելու իրենց ցանկության մասին են հայտնում նաեւ հաճախակի դարձած հանրահավաքների մասնակիցները։ Օգոստոսի 9-ին Փհենյանում մոտ 100 հազար քաղաքացի է հավաքվել ԱՄՆ-ի դեմ երկրի քաղաքականությունն աջակցելու նպատակով։
ԱՄՆ-ի ու Հյուսիսային Կորեայի հարաբերությունները վերջին օրերին ծայրաստիճան լարվել են։ Կողմերը սպառնալից հայտարարություններ են փոխանակում։