Հյուսիսային Կորեայի հետ հակամարտությունը ռազմական լուծում չունի։ Այս մասին հայտարարել է ԱՄՆ նախագահի ռազմավարական հարցերով խորհրդական Սթիվեն Բենոնը՝ American Prospect պարբերականին տված հարցազրույցում։

«Ռազմական լուծում գոյություն չունի, մոռացեք այդ մասին։ Քանի դեռ ինչ-որ մեկն ինձ այնպիսի լուծում չի առաջարկի, որ առաջին 30 րոպեի ընթացքում Սեուլում տասը միլիոն մարդ չմահանա ԿԺԴՀ-ի սովորական զինատեսակներից, ես չգիտեմ՝ ինչի մասին եք խոսում։ Այստեղ ռազմական լուծում չկա»,-ասել է նա։