Իսպանիայի ոստիկանությունը հայտնել է երկրորդ ահաբեկչությունը կանխելու մասին, որը պետք է հետեւեր Բարսելոնում կատարված հարձակմանը:
4 կասկածյալները գնդակահարվել են, եւս մեկ հարձակվող վիրավորվել է Բարսելոնից հարավ-արեւմուտք գտնվող Կամբրիլս փոքր քաղաքում անցկացված գործողության ընթացքում, հայտնում է BBC Russia-ն (http://www.bbc.com/russian/news-40971026):
Իսպանացի բժիշկների տեղեկություններով՝ հարձակվողները 7 մարդու են վիրավորել, այդ թվում՝ ոստիկանի:
Իսպանական լրատվամիջոցները հայտնում են, որ ուրբաթ գիշերը Կամբրիլսում հարձակվողներն ամենագնացով մի քանի մարդու վրաերթի են ենթարկել՝ նրանց վնասվածքներ պատճառելով:
Կարճատեւ հետապնդումից հետո կասկածյալների ավտոմեքենան կողաշրջվել է, հայտնում է La Vanguardia-ն: Նրանք փորձել են մեքենայից դուրս գալ, որից հետո ոստիկանները նրանց վրա կրակել են:
Հիշեցնենք, որ օգոստոսի 7-ին միկրոավտոբուսը Բարսելոնի տուրիստական կենտրոնում մխրճվել է մարդկանց բազմության մեջ: Կատալոնիայի ՆԳՆ-ն հաստատել է 13 մարդու մահը, ավելի քան 50 մարդ տուժել է:
