ԱՄՆ պաշտպանության նախարար Ջիմ Մաթիսը հանդիպել է Իրաքյան Քուրդիստանի նախագահ Մասուդ Բարզանիի հետ, որպեսզի նրան շնորհակալություն հայտնի Փեշմերգա ուժերի ղեկավարության եւ «Իսլամական պետության» դեմ գործողություններում աջակցության համար։ Այս մասին մասին ասվում է Պենտագոնի կայքում։
Հաղորդագրությունում ասվում է, որ Պենտագոնի ղեկավարը Բարզանիին շնորհավորել է Մոսուլում հաջողության կապակցությամբ եւ Բաղդադի ու Էբրիլի միջեւ երկխոսությունը շարունակելու կոչ արել՝ ԻՊ-ի դեմ պայքարի հետ կապված։
Հանդիպումից հետո լրագրողների հետ զրույցում Մաթիսը հայտարարել է, որ Բարզանիին խնդրել է հետաձգել Քուրդիստանի անկախության հանրաքվեն՝ նշելով, որ գերխնդիրը ԻՊ-ի նկատմամբ հաղթանակն է, հաղորդում է В New York Times-ը։
Իր հերթին Rudaw գործակալությունը մեջբերում է Բարզանիի գրասենյակի հայտարարությունը, որտեղ ընդգծվում է, որ Իրաքյան Քուրդիստանի նախագահը Մաթիսին հայտնել է հանրաքվե անցկացնելու մասին, եթե այլընտրանք չառաջարկվի։ Բարզանին ընդգծել է նաեւ, որ Էբրիլը կշարունակի Բաղդադի հետ երկխոսությունը՝ «լավ հարեւաններ դառնալու նպատակով»։