Գերմանիայում դատավորը հոտից գլխի է ընկել, որ ամբաստանյալը նիստերի դահլիճ է եկել մարիխուանայի փաթեթով։ Այս մասին հաղորդում է Lenta-ն՝ վկայակոչելով The Local-ը։

Սերբուհան Գ.-ն մեղադրվում է թմրանյութեր պահելու մեջ. մարտին նրան կալանվորել են, երբ գուլպայով կանեփի 14 փաթեթ է տեղափոխել։ Նիստի ժամանակ դատավոր Քորեյ Ֆրոյդենբերգը տարօրիկնակ հոտ է գգացել ու մեղադրյալին հարցրել՝ նրա մոտ թմրանյութեր կա՞ն։ Վերջինը բացասական պատասխան է տվել։

Դատավորը ոստիկաններին խնդրել է խուզարկել Սերբուհանին։ Խուզարկության ընթացքում մեղադրյալի գուլպայում «խոտի» փաթեթ է հայտնաբերվել։ Դատավորը 1.8 հազար եվրո տուգանք է սահմանել։

Ֆրոյդենբերգն ասել է, որ առաջին անգամ չէ, որ հոտից գլխի է ընկնում մարիխուանայի մասին։ 2016 թվականին նա փողոցում մի երիտասարդի ուսապարկից տարօրինակ հոտ է զգացել, ինչի մասին հայտնել է ոստիկաններին։ Վերջիններն էլ հայտնաբերել են մարիխուանան։ Դատավորը հստակեցրել է, որ նախկինում ինքը դատախազ էր եւ թմրահանցագործությունների դեմ պայքարի նախապատրաստական դասընթաց է անցել։