Մեքսիկայում երեքշաբթի տեղի ունեցած 7,1 մագնիտուդ հզորությամբ երկրաշարժին հետեւել է 34 հետցնցում: «ՌԻԱ Նովոստի»-ի փոխանցմամբ՝ այս մասին հայտնել է տեղական սեյսմոլոգիական ծառայությունը:
«Սեպտեմբերի 19-ի 7,1 մագնիտուդով երկրաշարժից հետո սեպտեմբերի 20-ին ժամը 23.30-ին գրանցվել է 34 հետցնցում (ամնենահզորը 4,0 մագնիտուդով) եւ սեպտեմբերի 7-ի 8,2 մագնիտուդով երկրաժշարժից հետո 3781 հետցնցում (ամենահզորը 6,1 մագնիտուդով)»,- սեյսմոլոգները հայտնել են Twitter-ում:
Ավելի վաղ հաղորդվել էր, որ Մեքսիկայում հզոր երկրաշարժի հետեւանքով առնվազն 230 մարդ է զոհվել: 7,1 մագնիտուդով երկրաշարժը տեղի էր ունեցել երեքշաբթի, ցնցումները զգացվել էին Մեխիկոյում:
