Կուբայի արտաքին գործերի նախարար Բրունո Ռոդրիգեսը «անընդունելի» է անվանել ԱՄՆ-ից Կուբայի 15 դիվանագետների վտարումը: Նա այդ քայլը «անհիմն» է համարել, հաղորդում է BBC- ն:
Ավելի վաղ հաղորդվել էր, որ Սպիտակ տան վարչակազմը Հավանայում ամերիկացի դիվանագետների նկատմամբ «խորհրդավոր» հարձակումների կապակցությամբ որոշել է Կուբայի 15 դիվանագետներին վտարել: Մեկ շաբաթ առաջ ԱՄՆ պետդեպարտամենտը Կուբայի մայրաքաղաքից իր դիվանագետների կեսից ավելիին հետ էր կանչել:
«Որոշումը կայացվել է, քանի որ Կուբան Վիեննայի կոնվենցիայով սահմանված իր պարտականությունների համաձայն չի ձեռնարկել պատշաճ քայլեր մեր դիվանագետներին պաշտպանելու համար: Այս կարգադրությունը մեր համպատասխան դիվանագիտական գործողություններում արդարություն կապահովի», - ասել է ԱՄՆ պետքարտուղար Ռեքս Թիլերսոնը: