Թուրքիայի նախագահ Ռեջեփ Թայիփ Էրդողանը Անկարայում ԱՄՆ դեսպանին մեղադրել է երկու երկրների միջեւ դիվանագիտական ճգնաժամի համար: Նա ասել է, որ Անկարան Ջոն Բասին այլեւս չի համարում Վաշինգտոնի դեսպան, հաղորդում է Reuters-ը:
Էրդողանը կարծում է, որ Բասը միակողմանի կարգով որոշել է կասեցնել Ստամբուլում ԱՄՆ հյուպատոսության աշխատակցի ձերբակալությունից հետո Թուրքիայի քաղաքացիներին վիզաների տրամադրումը:
«Անկարայում դեսպանը որոշումներ է կայացնում եւ ասում է, որ դա անում է հանուն իր կառավարության, տարօրինակ է», - ասել է Էրդողանը: «Եթե մեր դեսպանը այդ աներ, մենք նրան այնտեղ մի րոպե անգամ չէինք թողնի»:
ԱՄՆ դեսպանատունը կիրակի երեկոյան հաղորդել էր, որ ժամանակավորապես դադարեցնում է վիզային ծառայությունների մատուցումը՝ կասկածներ հայտնելով Թուրքիայի պատրաստակամությանը `դեսպանատան աշխատակիցների անվտանգության ապահովման համար: Դեսպանատունը հայտարարել է, որ անիմն են այն մեղադրանքները, թե հյուպատոսության ձերբակալված աշխատակիցը կապ է ունեցել քարոզիչ Ֆեթուլա Գյուլենի հետ:
