Հրաձգություն է տեղի ունեցել ԱՄՆ Ֆորտ Սթյուարթ ռազմաբազայում, նշված է բազայի Facebook-ի պաշտոնական էջում հրապարակված հայտարարության մեջ, փոխանցում է «ՌԻԱ Նովոստի»-ն:
«Կնոջը բազայի ռազմական ոստիկանությունն արգելափակել է այն բանից հետո, երբ նա այսօր կրակ է բացել զինվորական կայազորում: Հրաձգության հետեւանքով ոչ մեկը չի տուժել»,- նշված է հայտարարության մեջ:
Հրաձգությունը տեղի է ունեցել այսօր առավոտյան Ֆորտ Սթյուարթի մոտ գտնվող կայանատեղիիում, հայտնում է WSAV հեռուստաալիքը՝ վկայակոչելով ռազմաբազայի ներկայացուցչին:
Ներկայացուցչի խոսքով՝ առայժմ հայտնի չէ կնոջը մեղադրանք կառաջադրվի՞: Նշվում է, որ հրաձգությունը, ենթադրաբար, «կենցաղային վեճի հետեւանք է» եւ ահաբեկչություն չի համարվում: