Ռուս լրագրող եւ իրավապաշտպան Եկատերինա Գորդոնը, ով հայտարարել է 2018-ի նախագահական ընտրություններին մասնակցելու մասին համարում է, որ անհրաժեշտ է Լենինի մարմինը տանել Կարմիր հրապարակից, իսկ հուղարկավորության կամ դիահրկիզման մասին որոշումը պետք է հարազատներն ընդունեն, փոխանցում է «ՌԻԱ Նովոստին»:
«Ես ենթադրում եմ, որ թեման պոպուլիստական է, բայց, անկասկած, Կարմիր հրապարակից աճյունը պետք է տանել, դա նախամարդկային վայրենություն է: Իսկ հուղարկավորել, թե դիահրկիզել՝ թող հարազատները որոշեն»,- հայտարարել է Գորդոնը՝ խոսելով Լենինի մարմնի թաղման անհրաժեշտության մասին:
Ավելի վաղ հեռուստահաղորդավարուհի Քսենյա Սոբչակը, ով մտադիր է ՌԴ 2018-ի նախագահական ընտրություններին մասնակցել եւ իրեն համարում է «բոլորին դեմ» թեկնածու, հայտարարել է, որ իր ՌԴ նախագահ ընտրվելու դեպքում ինքը առաջինը Կարմիր հրապարակից Լենինի մարմինը տանելու հրահանգ կտա: