Չեչնիայի նախագահ Ռամզան Քադիրովը համոզված է, որ Հոկտեմբերյան հեղափոխության առաջնորդ Վլադիմիր Լենինի մարմինը պետք է թաղվի, փոխանցում է Gazeta-ն:
«Ես անձամբ համոզված եմ, որ բավական է Լենինի դիակին նայել: Վաղուց հեղափոխության առաջնորդին թաղելու ժամանակն է, դա ե՛ւ խելամիտ է, ե՛ւ մարդկային»,- նշել է նա:
Քադիրովի խոսքով՝ Լենինի մարմինը թաղելու որոշումը «պատմական տեսակետից ամենաճիշտը կլինի»:
«Ըստ որում՝ թաղման որոշումը չպետք է ընտրովի լինի: Անհրաժեշտ է հողին հանձնել ինչպես Լենինի մարմինը, այնպես էլ իմամ Շամիլ Հաջի Մուրատի գուխը, որը մինչ օրս պահվում է Սանկտ Պետերբուրգի թանգարանում»,- նշել է նա:
Քադիրովը շեշտել է, որ այս հարցով որոշումը պետք է ընդունի Ռուսաստանի նախագահ Վլադիմիր Պուտինը:
