ՌԴ նախագահ Վլադիմիր Պուտինը ֆրանսիացի գործընկեր Էմանուել Մակրոնին տեղյակ է պահել Իրան կատարած իր այցելության արդյունքների մասին։
Կրեմլի մամուլի ծառայությունից հայտնում են, որ հեռախոսազրույցի ընթացքում առաջնորդները քննարկել են Իրանի միջուկային ծրագրի գործողությունների համատեղ համապարփակ պլանը եւ ընդգծել են այդ կարեւորագույն համաձայնության՝ միակողմանի կարգով վերանայման անհնարինությունը։
Պուտինն ու Մակրոնը կարծիքներ են փոխանակել Սիրիայի խնդրի շուրջ՝ քննարկելով, մասնավորապես, Սիրիայի հարցով Աստանայում 7-րդ Միջազգային հանդիպման արդյունքները։ Կողմերն ընդգծել են ճգնաժամի կարգավորման համար համատեղ ջանքեր գործադրելու անհրաժեշտությունը։