Հեռուստահաղորդավար Քսենյա Սոբչակը, որը հոկտեմբերի վերջին հայտարարել է նախագահի թեկնածու առաջադրվելու ծրագրերի մասին, սեփական YouTube շոու կթողարկի: Այս մասին ՌԲԿ-ին հայտնել են նրա շտաբի համացանցում աշխատանքի պատասխանատու Ռոստեմ Ադաղամովը եւ թիմի եւս մեկ ներկայացուցիչ:
«Մենք պատրաստվում ենք [Ալեքսեյ Նավալնու օնլայն եթերի] նման մի բան թողարկել, տեսաշոու,- նշել է Ադաղամովը: Ճիշտ է, դեռեւս պարզ չէ, թե դա որքանով նման կլինի Նավալնու շոուին. ամեն ինչ բյուջեից է կախված»:
Այն, որ օնլայն շոուի բյուջեն եւ անվանումը դեռեւս չեն հաստատվել, ՌԲԿ-ին հայտնել է նաեւ հեռուստահաղորդավարի թիմի մեկ այլ անդամ: Իր շոուի վրա աշխատելիս Սոբչակը Նավալնու շոուով կառաջնորդվի, «քանի որ նա դա զիլ է անում», սակայն միայն նրանով, նշել է ՌԲԿ զրուցակիցը: Նախագծի թողարկումը նախատեսված է «մոտ ժամանակում», հավելել է նա:
