Ավստրալիայի բնակչուհին վախեցրել է համացանցի օգտատերերին՝ հրապարակելով հորդառատ անձրեւից հետո իր լուսամուտագոգի նկարը, որում երեւում են ավստրալական այրի տեսակի 8 թունավոր սարդեր։ Դրանց խայթոցը շատ ցավոտ է եւ կարող է մահաբեր լինել։
«Այն պահը, երբ դու Վիկտորյայի նահանգում ես ապրում, եւ ամռան առաջին օրն անձրեւ է գալիս։ Այս բոլոր ավստրալական այրիները մի պատուհանագոգի վրա են եղել։ Ուշադիր եղեք, որ ձեր պատուհանները փակ լինեն»,– գրել է աղջիկը։
Հաղորդվում է, որ սարդերը տիպիկ ավստրալական ցեղատեսակի ներկայացուցիչներ են, սակայն տաք եղանակին դրանք հաճախ են մտնում մարդկանց տներ՝ փորձելով թաքնվել արեւից, հայտնում է Daily Mail–ը։
