Սյունիքի մարզում, դեկտեմբերի 7-ի երեկոյան արտակարգ դեպք է տեղի ունեցել. անհայտ անձը Կապան քաղաքի Ա.Մանուկյան փողոցից առեւանգել է Արթուր Հովհաննիսյանին պատկանող Mercedes մակնիշի 34 ТV 128 համարանիշի ավտոմեքենան։
Shamshyan.com-ի փոխանցմամբ, առեւանգելուց հետո Շահումյան փողոցի գետափնյա հատվածում նա բախվել է 23-ամյա Մխիթար Ա.-ի վարած Mercedes մակնիշի 57 MZ 777 համարանիշի ավտոմեքենային։ Վթարի հետեւանքով առեւանգողը, նրա ուղեւորը եւ մյուս Mercedes-ի վարորդ Մխիթար Ա.-ն մարմնական վնասվածքներով տեղափոխվել են Կապանի բժշկական կենտրոն։
Աղբյուրի տեղեկություններով՝ առեւանգված ավտոմեքենան պատկանում է Ոստիկանության Սյունիքի մարզային վարչության աշխատակիցներից մեկին։ Ոստիկանությունը պարզում է առեւանգողի եւ նրա ուղեւորի ինքնությունը։