Տեխնոլոգիաներրի ոլորտում աշխատանքի որոնման համար Սթիվ Ջոբսի ռեզյումեն աճուրդում կվաճառեն, հաղորդում է Тhe Guardian-ը:
Մեկ էջանոց ռեզյումեն ձեռագիր է, գրվել է 1973 թվականին եւ մի շարք կետադրական եւ ուղղագրական սխալներ է պարունակում:
Այսպես, օրինակ՝ իր ազգանունը նա գրել է փոքրատառ:
Ռեզյումեում Ջոբսը նշել է, որ վարորդական իրավունք ունի, բայց հեռախոս չունի:
Փաստաթղթի նախնական գինը սկսվում է 50 հազար դոլարից:
Աճուրդը կկայանա մարտի 8-ից 15-ը: Աճուրդում կներկայացվի նաեւ մոտ 25 հազար դոլար արժողությամբ Mac OS X-ի տեխնիկական ուղեցույցը, որը 2001-ին ստորագրվել է Ջոբսի կողմից եւ 15 հազար դոլար արժեքով, Ջոբսի ստորագրությամբ եւ լուսանկարով 2008-ին թերթի հրապարակումը, որը պատմում է նոր iPhone-ի թողարկման մասին: