Չեչնիայում վթարի է ենթարկվել հատուկ ծառայությունների Մի-8 ուղղաթիռը, հաղորդում է «ՌԻԱ Նովոստի»–ն՝ վկայակոչելով հանրապետության ուժային կառույցում իր աղբյուրին։
Նրա խոսքով, ուղղաթիռը ընկել է Իտում Կալինսկի շրջանի Խանգիխո կիրճում:
Հետագայում արտակարգ իրավիճակների ծառայության աղբյուրը հայտնել է, որ հինգ հոգի զոհվել է, երկուսը՝ փրկվել են:
«Վթարը տեղի է ունեցել Մոսկվայի ժամանակով 10:59-ին: Վթարի վայրում վատ եղանակային պայմաններ են եղել, ձյուն եւ անձրեւ է տեղացել», - ավելացրել է նա:
«Երկու բուժօգնության բրիգադ է ժամանել Շատոյսկի շրջան(սահմանակից է Իտում Կալինսկի շրջանին)»,–նշել են Առողջապահության նախարարության Աղետների ժամանակ բուժօգնության կենտրոնում:
Իրավապահ մարմինների աղբյուրը հայտնել է, որ ուղղաթիռը պատկանել է սահմանապահ ծառայությանը:
