News
Լրահոս
News
Հինգշաբթի
Դեկտեմբեր 13
Տեսնել լրահոսը

2017թ.-ի դեկտեմբերի 11-ին Արցախի N զորամասի պահպանության տեղամասի մարտական դիրքում ժամկետային զինծառայող Նարեկ Ադիբեկյանի սպանության մեջ մեղադրվող Կարեն Խաչատրյանի հարազատները վստահեցնում են՝ նրան դրդել են այդ քայլին դիմել:

NEWS.am-ի հետ զրույցում ժամկետային զինծառայող Կարեն Խաչատրյանի քույրը՝ Նարինե Խաչատրյանը պատմեց, որ Նարեկ Ադիբեկյանը ծառայության ժամանակ ճնշումներ է գործադրել իր եղբոր նկատմամբ, անմարդկային վերաբերմունք ցուցաբերել:

«Եղբայրս ու Նարեկ Ադիբեկյանը միասին են դիրքերում հերթապահություն իրականացրել: Տեւական ժամանակ Նարեկ Ադիբեկյանը ճնշել է եղբորս, բռնություն գործադրել, մի անգամ նույնիսկ դեմքն է վառել, ստիպել անվայել գործողություններ անել: Փորձաքննություններից ստացված պատասխաններով այս ամենն ապացուցված է»,- ասաց Նարինե Խաչատրյանը:

Քրոջ խոսքով՝ Կարենը երբեք չի դժգոհել ծառայությունից, առկա խնդիրների մասին էլ իրենք իմացել են միայն սպանությունից հետո. «Փաստաբանն է մեզ պատմել, թե ինչ պայմաններում է եղբայրս ծառայել, ինչպես է Նարեկ Ադիբեկյանը վարվել նրա հետ»:

Նշենք, որ Կարեն Խաչատրյանին մեղադրանք է առաջադրվել Քրեական օրենսգրքի 104-րդ հոդվածի 1-ին մասով (սպանություն, որը պատժվում է 8-15 տարի ժամկետով ազատազրկմամբ), խափանման միջոց է ընտրվել կալանավորումը: Նշանակվել է դատահոգեբանական-դատահոգեբուժական փորձաքննություն՝ պարզելու՝ արդյո՞ք Կարեն Խաչատրյանը մեղսունակ է:

«Մենք արդարացի դատավճիռ ենք պահանջում, եղբորս ճնշումների միջոցով դրդել են այդ քայլի դիմել: Դեպքի օրն էլ միասին դիրքեր են բարձրացել, Նարեկ Ադիբեկյանը կրկին ճնշել է, մայր է հայհոյել, որից հետո եղբայրս այդ քայլին է դիմել»,- ասաց Նարինե Խաչատրյանը:

Ավելի վաղ Քննչական կոմիտեն հայտնել էր, որ նախնական տվյալներով՝ 2017թ.-ի դեկտեմբերի 11-ին ժամը 19:30-ի սահմաններում N զորամասի պահպանության տեղամասի մարտական դիրքում ծառայակցի կողմից արձակած կրակոցների հետեւանքով մարմնի տարբեր շրջաններում հրազենային մահացու վիրավորումներ է ստացել ժամկետային զինծառայող Նարեկ Ադիբեկյանը:

Տպել
Կարդացեք նաև
Ամբողջը
Պայթյուն Աշտարակի խճուղու գազալցակայանում․ կա տուժած
«Մեգնում» գազի ճնշման կայանում տեղի է ունեցել պայթյուն, ինչի հետևանքով Գ. Հ.-ն ստացել է տարբեր բնույթի մարմնական վնասվածքներ․․․
4 մեքենա բախվել են իրար, 4 հոգի հոսպիտալացվել են․ խոշոր վթար Երեւանում
Բախման հետևանքով էլ Nissan-ը դուրս է եկել երթևեկելի գոտուց և հայտնվել գազոնում․․․
Գերմանիայում փողոց մեկ տոննա շոկոլադ է հոսել
Լակին խոստովանել է, որ եթե վթարը տեղի ունենար Սուրբ ծննդից մի քանի օր առաջ, դա աղետ կլիներ․․․
Վաչագան Ղազարյանի կալանքի հարցը քննող դատավորին ինքնաբացարկ հայտնեցին
Վաչագան Ղազարյանի գործով դատարանը հեռացել է խորհրդակցական սենյակ...
Ստրասբուրգում կրակահերթ բացած անձը 27 անգամ դատապարտված է եղել
Երեքշաբթի երեկոյան անհայտ անձը կրակ է բացել Ստրասբուրգում սուրբծննդյան տոնավաճառի մերձակայքում...
Մեկ օրում բացահայտվել է հանցագործության 53 դեպք
Անցած 1 օրվա ընթացքում հանրապետությունում արձանագրվել է ճանապարհատրանսպորտային 15 պատահար, ինչի հետեւանքով 2 մարդ զոհվել է, 15-ը՝ ստացել տարբեր աստիճանի մարմնական վնասվածքներ…
Partner news