ԱՄՆ-ն «պարտավորվածություն» ունի Հյուսիսային Կորեայի հետ դիվանագիտական լուծման հասնելու հարցում, եւ առաջընթացի համար «իրական հնարավորություն» կա: Այս մասին հայտարարել է ԱՄՆ պետքարտուղար Մայք Պոմպեոն, փոխանցում է AFP-ն:
«Խաղաղ լուծում գտնելու համար մենք պարտավոր ենք մասնակցել դիվանագիտական դիսկուրսին, որպեսզի ամերիկացիները վտանգի չենթարկվեն Կիմ Չեն Ընի (Հյուսիսային Կորեայի առաջնորդ) եւ նրա միջուկային զինանոցի կողմից»,- ասել է Պոմպեոն՝ նշելով, որ առաջընթացի համար «իրական հնարավորություն» կա:
Նա նաեւ պատմել է, որ Կիմ Չեն Ընի հետ հանդիպման ժամանակ մանրամասն քննարկվել է «ապամիջուկայնացման» մեխանիզմը: «Մենք շատ ենք խոսել այն մասին, թե ինչ տեսք կարող է ունենալ ստուգման ենթակա անդառնալի մեխանիզմը»,- ասել է Պոմպեոն:
