Մոսկվայի Պուշկինսկի հրապարակում կալանավորել են Ալեքսեյ Նավալնիին։ Այս մասին հայտնում է «Մեդիազոնա»-ն։
Մինչ այդ հրապարակում սկսել են կալանավորել «Նա մեզ համար ցար չէ» բողոքի ցույցերի մյուս մասնակիցներին, ցույցը համաձայնեցված չի եղել Մոսկվայի իշխանությունների հետ։ Մասնավորապես, կալանավորվել է լուսանկարիչ Միխայիլ Գրեբենշիկովը, որը հրապարակ էր եկել «Նովայա գազետա»-ի հանձնարարությամբ։
Հրապարակում ծեծկռտուք է տեղի ունենում կազակի համազգեստով մարդկանց մասնակցությամբ, որոնք հարձակումներ են գործում ընդդիմադիր ցույցի մասնակիցների վրա։ Ոստիկանությունը, «Մեդուզայի» թղթակցի խոսքով, չի արձագանքում սրան։
«Նա մեզ համար ցար չէ» բողոքի ցույցերը անցկացվում են մայիսի 7-ին նշանակված Վլադիմիր Պուտինի երդմնակալությանն ընդառաջ։ Ցույցերը տեղի են ունենում ՌԴ շատ քաղաքներում։ «ՕՎԴ-Ինֆո»-ի հաղորդմամբ՝ ընդհանուր առմամբ կալանավորվել է ավելի քան 200 մարդ։
Видео задержания Навального pic.twitter.com/oLbmfCr9CJ
— Philipp Kireev (@mynameisphilipp) 5 мая 2018 г.