News
Լրահոս
News
Երեքշաբթի
Նոյեմբեր 13
Տեսնել լրահոսը

Անցած տարվա ապրիլին 21-ին Արարատի մարզում տաքսու վարորդին դաժանաբար սպանելու մեջ մեղադրվող պայմանագրային զինծառայող Վադիմ Օ.-ն դատապարտվեց 17 տարվա ազատազրկման: Նման դատավճիռ է կայացրել Արարատի եւ Վայոց ձորի մարզերի ընդհանուր իրավասության դատարանը:

Դատարանը բավարարել է նաեւ տուժող կողմի քաղաքացիական հայցը. ամբաստանյալը սպանվածի հարազատներին 1.5 մլն դրամ կվճարի:

Հիշեցնենք, որ 2017թ.-ի մայիսի 8-ին ահազանգ էր ստացվել, որ Նորամարգ եւ Ռանչպար գյուղերի դաշտերը բաժանող ջրատարի Նորամարգ գյուղի հատվածի աջ ափին հայտնաբերվել է տղամարդու կիսաքայքայված դի: Պարզվել է, որ վերջինիս մահը հետեւանք է նրա նկատմամբ կիրառված բռնության: Այսպես՝ նախնական քննությամբ փաստական տվյալներ էին ձեռք բերվել, որ պայմանագրային զինծառայողը, ունենալով վարկային պարտավորություններ, պարտքով գումար է խնդրել տարբեր անձանցից, սակայն մերժվել է։ Դեպքի օրը՝ 2017թ. ապրիլի 21-ին՝ ժամը 18:00-ի սահմաններում, նա նստել է Մասիս քաղաքի կենտրոնական հրապարակում կայանված, նույն քաղաքի բնակչի կողմից վարվող «Օպել Աստրա» մակնիշի տաքսի ավտոմեքենան եւ պատվիրել մեկնել Արարատի մարզի Նորամարգ գյուղի գերեզմանատուն: Արարատի մարզի Նորամարգ եւ Ռանչպար գյուղերը բաժանող ոռոգման ջրատարի մոտ, բնական կարիքները հոգալու պատրվակով, վարորդին առաջարկել է կանգնեցնել ավտոմեքենան, որից հետո միասին դուրս են եկել ավտոմեքենայից, որտեղ պայմանագրային զինծառայողը հարձակվել է վարորդի վրա եւ ծակող-կտրող գործիքով հինգ անգամ հարվածել վերջինիս մարմնի տարբեր հատվածներին: Այնուհետեւ զինծառայողը մետաղյա իրով հարվածել է վարորդի գլխին, ինչի հետեւանքով վերջինս ստացած մարմնական վնասվածքներից տեղում մահացել է: Զինծառայողը վարորդի գրպանից հափշտակել է առկա գումարը եւ բջջային հեռախոսը, իսկ դին քաշելով՝ գցել ջրատարի մեջ, որից հետո «Օպել Աստրա» մակնիշի ավտոմեքենայով, մեկնել է Արարատի մարզի Նորամարգ գյուղ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ժողովուրդ». Ինչ կապ ունի Վարդան Այվազյանը ոսկու ապօրինի արդյունահանման հետ. ուշագրավ մանրամասներ
Նշենք, որ «Վայքգօլդ» ՍՊԸ-ն արդյունահանման իրավունք ստացել է 2012 թվականին, իսկ գործողության ժամկետը մինչեւ 2037 թվականն է...
Օշականցի Գևորիկի եղբոր որդին՝ «Կոկսը», և ևս 9 անձ բերման են ենթարկվել․ ոստիկանական «Տերևաթափ» Վանաձորում
Թմրամիջոցներ պահելու կասկածանքով բերման է ենթակվել Օշական գյուղի բնակիչ, 29-ամյա Գրիգոր Հակոբյանը՝ «Կոկսը»․․․
Ոստիկանները Լոռիում բացահայտել են 7.35 մլն դրամի յուրացման եւ 140.000 դրամի կաշառքի դեպք
Ազգային անվատնգության ծառայությունից ստացված օպերատիվ տվյալների համաձայն...
Թիվ 42 ավտոբուսում 55-ամյա գրպանահատը «թռցրել է» ուղեւորուհու դրամապանակը. Նրան գտել են Գայի պողոտայում
Ձեռնարկվում են միջոցառումներ տուժողին եւ գողոնը հայտնաբերելու ուղղությամբ...
Արաբկիրում առեւանգել են «Ագբա Լիզինգ» ՓԲԸ-ի 44-ամյա տնօրենի Tօyօta Camry մեքենան
Աղբյուրի տեղեկություններով՝ մինչեւ այս պահը Արաբկիրի ոստիկանները չեն հայտնաբերել ավտոմեքենան...
Արտակարգ դեպք Կոտայքի մարզում. Բալահովիտում հնչել են կրակոցներ
Փաստի առթիվ ոստիկանության Կոտայքի բաժնի հետաքննչական բաժանմունքում նյութեր են նախապատրաստվում...
Partner news