News
Լրահոս
News
Երեքշաբթի
Դեկտեմբեր 11
Տեսնել լրահոսը

Հուլիսի 18-ին «Բնապահպանի տուն» հասարակական կազմակերպության մի խումբ անդամներ, ապօրինի անտառահատումների դեմ պայքարի շրջանակում, ակցիա են իրականացրել Դիլիջանի համայնքի Հաղարծին բնակավայրում, որի ընթացքում վեճ, ապա եւ ծեծկռտուք է սկսվել նրանց ու բնակիչների միջեւ:

Ոստիկանությունից NEWS.am-ին հայտնում են, որ շտապ դեպքի վայր ժամանած ոստիկանության ծառայողները միջոցներ են ձեռնարկել ծեծկռտուքը դադարեցնելու, կողմերին օրինականության դաշտ բերելու, ինչպես եւ դեպքի պատճառներն ու մասնակիցների ինքնությունը պարզելու ուղղությամբ:

Նույն օրվա երեկոյան «Դիլիջան» բժշկական կենտրոն է տեղափոխվել Հաղարծինի բնակչուհի, 88-ամյա Ռոզա Թ.-ն, որը հիվանդանոց մեկնած ոստիկանության Դիլիջանի բաժնի օպերատիվ խմբին հաղորդում է տվել, որ ժամը 19.00-ի սահմաններում իրենց տնից ոչ հեռու նկատել է հավաքված երիտասարդների ու հարցրել է, թե ինչու են հավաքվել: Երիտասարդները պատասխանել են, թե պայքարում են ապօրինի ծառահատումների դեմ: Ըստ Ռոզա Թ.-ի` ինքը առաջարկել է հեռանալ իրենց թաղամասից, ինչից հետո երիտասարդներից մեկը անսպասելի հրել է նրան, ինչի հետեւանքով կինը վայր է ընկել, ստացել մարմնական վնասվածքներ, ապա տեղափոխվել է «Դիլիջան» բժշկական կենտրոն:

Ժամը 21.10-ին, ոստիկանության Դիլիջանի բաժնում նույն բուժկենտրոնից հաղորդում է ստացվել, որ տարբեր տեսակի եւ աստիճանի մարմնական վնասվածքներով բուժօգնության են դիմել Դիլիջանի բնակիչ, 27-ամյա Հայկ Խ.-ն, Գյումրու բնակիչ, 23-ամյա Դավիթ Մ.-ն, Երեւանի բնակիչ, 17-ամյա Գագիկ Ջ.-ն եւ Դիլիջանի բնակիչ, 15-ամյա Արծիվ Կ.-ն:

Հիվանդանոց մեկնած օպերատիվ խմբին նրանք հայտնել են, որ իրենք «Բնապահպանի տուն» հ/կ անդամներն են եւ վնասվածքները ստացել են ժամը 17.30-ից 19.00-ն ընկած ժամանակահատվածում Դիլիջան համայնքի Հաղարծին բնակավայրում տեղի ունեցած վերոհիշյալ ծեծկռտուքի երկու դեպքերի ժամանակ:

Ոստիկանության ձեռնարկած անհետաձգելի ու ծավալուն միջոցառումների շնորհիվ պարզվել է, որ, ըստ նախնական տեղեկությունների, ծեծկռտուքի ժամանակ երիտասարդներին մարմնական վնասվածքները պատճառել են Ռոզա Թ.-ի որդին ու թոռները:

Ոստիկանների հետագա գործողություններով Ռոբերտ, Գեւորգ, Շահեն, Նվեր Մ.-երը հայտնաբերվել, բերվել են ոստիկանության բաժին ու տվել համապատասխան բացատրություններ:

Միջադեպի վերաբերյալ բացատրություններ են վերցվել նաեւ գյուղի տասնյակից ավելի բնակիչներից:

Տուժողների նկատմամբ նշանակվել են դատաբժշկական փորձաքննություններ:

Դեպքի հանգամանքները պարզվում են:

Կատարվում է քննություն:

Իրավապահները հետաքննում են կանաչ ակտիվիստների վրա հարձակումը Դիլիջան համայնքում. Արթուր Գրիգորյան

 

Տպել
Կարդացեք նաև
Ամբողջը
ՃվՃվ Արոյի կրտսեր որդին գրավի դիմաց ազատ է արձակվել
Վարդանյանը կալանավորվել էր 2017թ. տեղի ունեցած խուլիգանության գործով եւ դատարանը նրան գրավի դիմաց ազատ է արձակել հենց այս գործով...
18-ամյա աղջկան մեղադրանք է առաջադրվել՝ 17-ամյա երիտասարդին դանակահարելու համար
Ձեռնարկված քննչական եւ օպերատիվ-հետախուզական միջոցառումների արդյունքում պարզվել էր առերեւույթ հանցագործություն կատարած անձի ինքությունը, ով հանդիսանում է...
ՊԵԿ պաշտոնյաների կողմից կաշառք ստանալու գործով նախաքննությունն ավարտվեց
Պողոսյանը մեզ տեղեկացրեց, որ առաջիկայում իր պաշտպանյալի խափանման միջոցի վերաբերյալ հարցը դարձյալ կքննարկվի առաջին ատյանի դատարանում…
Ստեփանավանում հրդեհի հետեւանքով մահացել է 59–ամյա կինը դստեր ու 12–ամյա թոռան հետ. մանրամասներ (ֆոտո)
Հրդեհի նախնական պատճառը հոսանքի կարճ միացումն է եղել...
Աբու Դաբիի ոստիկանությունում պարեկներ են հայտնվել ուղտերի վրա (ֆոտո)
Ուղտերի վրա պարեկների կարելի է հանդիպել ոչ միայն անպատային տեղանքում, այլեւ քաղաքներում…
Ստեփանավանում ողբերգական հրդեհից փրկված երիտասարդի վիճակը կայուն ծանր է. նրան տեղափոխում են Երեւան
Նա նշեց, որ տուժածին այսօր ռեանիմոբիլով կտեղափոխեն Երեւան՝ Ճառագայթային բժշկության եւ այրվածքների գիտական կենտրոն, այնտեղ բուժումը շարունակելու…
Ամենաշատ
Partner news