Թբիլիսիի քաղաքային դատարանը քաղաքի կենտրոնում երկու աշակերտների դաժան սպանությունների գործով սուտ ցուցմունքներ տված վկայի՝ անչափահաս Դ.Գ.-ի նկատմամբ որպես խափանման միջոց կալանավորում է սահմանել: Այս մասին հաղորդում է «Նովոստի-Գրուզիա»-ն:
Դ.Գ.-ն ձերբակալվել էր հուլիսի 19-ին 16-ամյա Դավիթ Սարալիձեի եւ Լեւան Դադունաշվիլիի՝ 2017 թվականի դեկտեմբերի 1-ին սպանության հիմնական գործից առանձնացված հետաքննության շրջանակներում: Դատարանը լիովին բավարարել է դատախազության միջնորդությունը, թեպետ անչափահասի փաստաբանները պնդում էին, որպեսզի գրավ սահմանվի:
Ներքին գործերի նախարարության տվյալներով՝ Դ.Գ.-ն վկայություն տալու ընթացքում հայտարարել է, որ Դավիթ Սարալիձեի հետ «ֆիզիկական ընդհարման» մեջ են մտել կոնֆլիկտի մասնակիցներ Գ.Ջ.-ն եւ Մ.Կ.-ն… Իսկ արդեն դատարանում Դ.Գ.-ն փոխել էր վկայությունը՝ հայտարարելով, որ Մ.Կ.-ն «Ֆիզիկական ընդհարման մասնակից չէր»:
Միեւնույն ժամանակ, նախաքննությանը հայտնի է, որ մինչեւ դատավարությունը Դ.Գ.-ն հանդիպել է սպանված Դավիթ Սարալիձեի հարազատների հետ: Ինչպես հաղորդվում է, որ քննարկել է նրանց հետ տեղի ունեցած սպանությունների հանգամանքները: Դատարանում, դեռահասը հերքել է հանդիպման փաստը, ինչպես նաեւ դեպքի հանգամանքների մասին զրույցը: