Նյու Յորքում մասնավոր տունը վաճառքի է հանվել 15,9 միլիոն դոլարով կամ համարժեք բիթքոինով, փոխանցում է «Լենտան»՝ վկայակոչելով Bloomberg-ն։

Առանձնատունը պատկանում է Ռոյ Նիդերհոֆերին՝ ամերիկյան RG Niederhoffer Capital Management, Inc. (RGNCM) հեջ ֆոնդի ղեկավարին։ Նա տունը ձեռք է բերել 5 տարի առաջ 12,9 միլիոն դոլարով եւ այնտեղ ապրել է ընտանիքի հետ՝ սպասելով մյուս նյույորքյան քոթեջում վերանորոգման ավարտին։

«Ես հավատում եմ բիթքոինին։ Ես իսկապես շատ լավատես եմ նրա նկատմամբ եւ այդ իսկ պատճառով ցանկանում եմ այդ արժույթից ավելի շատ ունենալ»,-հայտարարել է գործարարը։