News
Լրահոս
News
Երեքշաբթի
Սեպտեմբեր 29
USD
485.66
EUR
565.55
RUB
6.16
ME-USD
0.01
Տեսնել լրահոսը

ՀՀ երկրորդ նախագահ Ռոբերտ Քոչարյանի պաշտպանները եւս երկու գանգատ են ներկայացրել Մարդու իրավունքների եվրոպական դատարան: Այս մասին այսօր՝ մարտի 7–ին, NEWS.am–ի հետ զրույցում ասաց Քոչարյանի փաստաբանական թիմի անդամ Հայկ Ալումյանը։

Ներկայացված գանգատներից մեկը վերաբերվում է երկրորդ նախագահի կալանքի ժամկետը երկարարցնելուն:

Նշենք, որ Քոչարյանին կալանքի տակ պահելու ժամկետը երկարացնելու որոշումը պաշտպանական կողմը բողոքարկել է Վճռաբեկ դատարնում։

Պաշտպանը նշեց, որ չեն սպասել Վճռաբեկի որոշմանը, քանի որ Վճռաբեկ դատարանն, ըստ նրա՝ արդյունավետ միջոց չէ։

Գանգատներից մեկի համար հիմք է հանդիսացել կառավարության նիստի ժամանակ վարչապետ Նիկոլ Փաշինյանի արած արտահայտությունը:

Ըստ Հայկ Ալումյանի՝ նիստի ընթացքում վարչապետի կողմից Կոնվենցիայի 3-րդ հոդվածով արգելված վերաբերմունքի ենթարկելու սպառնալիքներ են հնչել։

2019թ. փետրվարի 21–ի կառավարության նիստում Նիկոլ Փաշինյանը, խոսելով կոռուպցիայի դեմ պայքարի մասին, ասել էր. «ՀՀ ժողովրդից գողացողը պետք է բռնվի, ամբաստանվի, խայտառակվի, բարոյապես ոչնչացվի եւ ուղարկվի բանտ»։

Նշենք, որ մարդու իրավունքների եւ հիմնարար ազատությունների պաշտպանության մասին Եվրոպական կոնվենցիայի 3–րդ հոդվածի համաձայն՝ ոչ ոք չպետք է ենթարկվի խոշտանգումների կամ անմարդկային կամ նվաստացնող վերաբերմունքի կամ պատժի:

«Փաշինյանի հայտարարությունում խոշտանգման մասին խոսք չկա, բայց պարոն Փաշինյանը բացի այն, որ սպառնում է կոռուպցիայի մեջ մեղադրվող անձանց դատել, ուղարկել պատիժը կրելու, այլեւ ըստ նրա՝ այդ անձանց  պետք է խայտառակել, բարոյապես ոչնչացնել եւ ուղարկել բանտ»,–ասաց փաստաբանը՝ նկատելով, որ վարչապետը, բացի օրենքով նախատեսված միջոցներից, պատրաստվում է նաեւ օրենքով չնախատեսված եւ Կոնվենցիայով ուղղակիորեն չարգելված միջոցների դիմել։

Ըստ փաստաբանի՝ վարչապետը նկատի չունի այն մարդկանց, ովքեր  մեղավոր են ճանաչված եւ պատիժ են կրում, այլ նրա խոսքն ուղղված է այն անձանց, ովքեր դեռ կասկածվում կամ մեղադրվում են կոռուպցիայի մեջ։

«Հաշվի առնելով, որ Ռոբերտ Քոչարյանին մեղադրանք է առաջադրվել կաշառքի համար եւ երեւում է, որ Փաշինյանը ուղղորդում է քննությունը, հստակորեն կարող ենք եզրակացնել, որ այդ սպառնալիքը վերաբերվում է կամ առնվազն կարող է վերաբերվել պարոն Քոչարյանին»,–ասաց Ալումյանը։

Հիշեցնենք, որ ավելի վաղ Քոչարյանի պաշտպանական խումբը եւս երկու գանգատ էր ներկայացրել ՄԻԵԴ։ Գանգատներից մեկը ներկայացվել է Եվրոպական կոնվենցիայի 6-րդ հոդվածի 2-րդ եւ 3-րդ կետերով` անմեղության կանխավարկածի եւ պաշտպանության իրավունքի խախտման հիմքերով, իսկ մյուսը՝ Ռոբերտ Քոչարյանի նկատմամբ որպես խափանման միջոց կալանավորման որոշումն ընտրելու հիմքով:

Հիշեցնենք, որ Ռոբերտ Քոչարյանը մեղադրվում է Քրեական օրենսգրքի 300.1-րդ հոդվածի 1-ին մասով եւ 311-րդ հոդվածի 4-րդ մասի 2-րդ մասով` ՀՀ սահմանադրական կարգը տապալելու եւ առանձնապես խոշոր չափերով կաշառք ստանալու մեջ: Նրա, ինչպես նաեւ Մարտի 1-ի գործով մեղադրյալներ Արմեն Գեւորգյանի, Յուրի Խաչատուրովի եւ Սեյրան Օհանյանի վերաբերյալ գործով նախաքննությունն ավարտվել է:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Որ գնացել են թալան անելու, ես ներողություն խնդրե՞մ». սեւազգեստ մայր
Սարգիս Քլոյանը հայտարարեց, որ իրենք չեն ներկայանալու Ռոբերտ Քոչարյանի գործով դատական նիստերին…
Ո՞ր փաստերն են ներառվել և որո՞նք մոռացվել մարտի 1-ի գործում. Էլինար Վարդանյան
Նա նշեց, որ 2008 թ. մարտի 1-ի նախօրեին ԱԱԾ-ն տեղեկություններ ուներ ռազմական օբյեկտների վրա...
Մարտի 1-ի նախօրեին ԱԱԾ-ն տեղեկություններ ուներ ռազմական օբյեկտների վրա հարձակումների նախապատրաստման մասին․ Օհանյան
ԱԱԾ տեղեկություններով՝ հանրահավաքի մասնակիցների մոտ զենք է եղել, հատկապես պատերազմի նախկին մասնակիցների մոտ․․․
Մարտի 1-ի դատավարությունը սպառվել է. Էլինար Վարդանյան
Բարձր էյֆորիկ ալիքը իշխանության հետ արդեն սկսել է խաղալ իր չար կատակը…
Ավագանին տվեց իր համաձայնությունը. Երեւանում «Մարտի 1»-ի զոհերի հիշատակի հուշարձան կտեղադրվի
Հարցի քննարկման ժամանակ ավագանու անդամնեը մեկ րոպե լռությամբ հարգեցին մարտի 1-ի զոհերի հիշատակը...
Ես ինքս տեսնում եմ դատական նիստերը ձգձգելու միտումներ. Բադասյանը՝ Մարտի 1-ի զոհերի իրավահաջորդների հայտարարության մասին
Ես ամբողջությամբ ծանոթ չեմ Մարտի 1-ի զոհերի հարազատների տարածած հայտարարությանը և իրենց պատճառաբանություններին...