Բարսելոնայի դպրոցները ուսումնական ծրագրից հանել են երեխաների համար մոտ 200 գրքեր, քանի որ դրանք «սեքսիստական կարծրատիպեր են քարոզում»՝ հայտնում է Fox News-ը։

Ինչպես նշում է թերթը, արգելված մանկական գրականության ցուցակում ներառվել են այնպիսի հանրահայտ հեքիաթներ, ինչպիսին են «Քնած գեղեցկուհին» եւ «Կարմիր գլխարկը»։

Տաբերի դպրոցը, որը գտնվում է Կատալոնիայի կառավարության ենթակայության տակ, համարում է, որ մինչեւ 6 տարեկան երեխաների համար գրքերի 30 տոկոսը «տոքսիկ» է, եւ մանկակակն գրականության միայն 10 տոկոսում է հաշվի առնված «գենդերային հավասարության թեմատիկան»։