Թուրքիայի հողերի շուրջ 47 տոկոսը գտնվում է անապատացման վտանգի ներքո, հաղորդում է Diken անկախ լրատվական կայքը՝ հղում կատարելով Բնական միջավայրի պաշտպանության եւ անտառվերականգնման համար հողի էրոզիայի դեմ պայքարի թուրքական հիմնադրամի (TEMA) փոխնախագահ Հիքմեթ Օզթյուրքին:
Նրա խոսքով՝ առավել մեծ է Թուրքիայի կենտրոնական, արեւելյան եւ հարավ-արեւելյան մասում անապատացման վտանգը փոքրաքանակ տեղումների պատճառով: «Կա նաեւ անապատացման լուրջ վտանգ Էգեյան տարածաշրջանի գյուղատնտեսական հողերում»-ասել է Օզթյուրքը:
Նա նշել է, որ Թուրքիան այն երկրներից մեկն է, որոնք մեծապես կտուժեն կլիմայի փոփոխությունների հետեւանքով:
