News
Լրահոս
News
Երկուշաբթի
Հուլիս 22
Տեսնել լրահոսը

Կորոնավիրուսային վարակի հաստատված դեպքերի թիվը Վրաստանում ապրիլի 1-ի դրությամբ կազմում է 117, հաղորդվում է կառավարական stopcov.ge կայքում։

Ապաքինված պացիենտների թիվը հասել է 23-ի։ Եւս երկու վարակված արտասահմանցիներ մեկնել են Վրաստանից։ Այսպիսով, ներկայում բժիշկները հետեւում են հիվանդության 92 ակտիվ դեպքի, հայտնում է «Նովոստի-Գրուզիա»-ն։

Բացի այդ, կարանտինի մեջ է 5783 քաղաքացի, իսկ բժիշկների հսկողության տակ՝ 301 քաղաքացի։

Հիվանդության նոր դեպքերը լրագրողների համար մեկնաբանել է Թբիլիսիի ինֆեկցիոն հիվանդանոցի տնօրեն Մարինա Էզուգբայան։

«Այսօր երեկոյան հայտնաբերվել է երկու նոր դեպք։ Պացիենտներից մեկը արդեն գտնվում է մեր հիվանդանոցում։ Դա բերված դեպք է, պացիենտը Հայաստանից է եկել։ Առայժմ նրա վիճակը ծանր չէ։

Երկրորդ պացիենտին, որի մոտ հաստատվել է կորոնավիրուսը, պետք է բերեն Բաթումից։ Դա 10 տարեկան երեխա է, նրան ծնողն է ուղեկցում։ Առայժմ ես չգիտեմ նրա հիվանդության պատմությունը։ Ծնողի մոտ այս փուլում վիրուս չի հայտնաբերվել»,- ասել է Էզուգբայան։

Հիվանդանոցի ղեկավարը նշել է, որ երկու ծայրահեղ ծանր պացիենտների վիճակը այսօր չի փոփոխվել, այն անկայուն է եւ կանխատեսել նրանց վիճակն անհնար է։

Միաժամանակ, եւս երեք ծանր հիվանդների վիճակը կայունացել է։

Էզուգբայայի խոսքերով՝ Թբիլիսիի ինֆեկցիոն հիվանդանոցում երկու նոր պացիենտների հետ միասին կլինի 35 վարակված։ «Բոլորի վիճակները տարբեր ծանրության են՝ որոշների մոտ թեթեւ տարբերակն է, որոշների մոտ ծանրության միջին տեսակը՝ պնեւմոնիայով։ Այսօր թեսթավորվել է հինգ պացիենտ, բոլոր պատասխանները բացասական են եղել, այժմ թեսթավորում ենք եւս 12 պացիենտի», ասել է նա։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թրամփը Covid-ն անվանել է «չինական վիրուս»
Նրանք գնել են 50 միլիարդ դոլարի մեր արտադրանքը, բայց ես դա չեմ էլ նշում COVID-ի պատճառով, չեմ էլ նշում...
Ջո Բայդենի մոտ ախտորոշվել է COVID-19
Այս հայտարարությունից մի քանի րոպե անց նախագահի ավտոշարասյունը Լաս Վեգասի ռադիոկայանից արդեն...
Եվրադատարանը ԵՀ-ին քննադատել է COVID-19 պատվաստանյութին առնչվող պայմանագրերում թափանցիկության բացակայության համար
Եվրահանձնաժողովը չի ապացուցել, որ այս դրույթների ավելի մեծ հասանելիությունը գործնականում կխաթարի նշված ձեռնարկությունների առևտրային շահերը...
ԱՄՆ փոխնախագահի ամուսինը վարակվել է նոր կորոնավիրուսով
Հարիսի ամուսինը վարակվել է նոր կորոնավիրուսով...
Ադրբեջանը հերթական անգամ երկարաձգել է հատուկ կարանտինային ռեժիմը
Ադրբեջանն աշխարհում միակ երկիրն է, որտեղ իբր պահպանվում է «կորոնավիրուսային վարակի...
Եվրահանձնաժողովի ղեկավարը և Pfizer-ի գործադիր տնօրենը ներգրավված են պատվաստանյութի հետաքննվող գործում
Ավելի ուշ նրան են միացել Հունգարիայի և Լեհաստանի կառավարությունները...
Ամենաշատ