News
Լրահոս
News
Հինգշաբթի
Հոկտեմբեր 06
USD
405.7
EUR
402.62
RUB
6.8
Տեսնել լրահոսը

Օրեր առաջ ռուս խաղաղապահների միջնորդությամբ հայկական կողմին են փոխանցել դեկտեմբերի 27–ին Հադրութի շրջանի Տող գյուղում սպանված 6 հայ զինծառայողների դիերը։ Զոհված զինծառայողների թվում էր Պռոշյան գյուղի բնակիչ, 18–ամյա շարքային Ալբերտ Ստեփանյանը։ Վերջինս ծառայում էր Ջրականի (Ջաբրայիլի) զորամասում եւ նահանջի ժամանակ զինակիցների հետ պատսպարվել էր Հադրութում։

Ալբերտի հարազատները NEWS.am–ին հայտնեցին, որ զինվորի հայրը՝ Գագիկ Ստեփանյանը, նույնպես մասնակցել է պատերազմական գործողություններին, իսկ նոյեմբերի 9–ի համաձայնագրի կնքումից հետո Արցախում անհետ կորած զինծառայողների ծնողների հետ փնտրել է իր որդուն։

Ալբերտը վերջին անգամ ընտանիքի հետ կապ է հաստատել հոկտեմբերի 12–ին՝ Հադրութի Վանք գյուղից։ Շուրջ մեկուկես ամիս Ալբերտի հայրը փրկարարների եւ անհետ կորածների ծնողների հետ որոնողական աշխատանքներ է իրականացրել թշնամու վերահսկողության տակ անցած այն տարածքներում, որոնց վերաբերյալ ռուս խաղաղապահների եւ ադրբեջանական կողմի միջեւ համաձայնություն է ձեռք բերվել։ Հատկանշական է, որ դեկտեմբերի 27–ի միջադեպից հետո ադրբեջանական կողմը թույլ չի տվել Արցախի արտակարգ իրավիճակների ծառայությանը որոնողական ու փրկարարական աշխատանքներ կատարել Հադրութի մի շարք գյուղերում, այդ թվում՝ Տող գյուղում։՝

Հարազատների խոսքով՝ թշնամին 90 օր ողջ մնացած տղաներին հայտնաբերելուց հետո կտտանքների է ենթարկել նրանց, ապա սպանել։

Հիշեցնենք, որ դեկտեմբերի 29-ին ադրբեջանական լրատվամիջոցները տեսանյութեր էին տարածել՝ 6 հայ զինծառայողների դաժան սպանության մասին։

Ըստ տեսանյութերի` նկարահանումը կատարվել է դեկտեմբերի 27-ին, որտեղ ադրբեջանցի զինվորականը ասում է, թե նույն օրը դիվերսանտների կողմից սպանված Էլմիր Համբարովի վրեժը լուծված է։ Դեկտեմբերի 30–ին Արցախի ՊԲ–ն, անդրադառնալով հրապարակված կադրերին, հայտարարեց, որ ադրբեջանական կողմի գործողություններն ու հայտարարությունները նպատակ ունեն կոծկել հերթական պատերազմական հանցագործությունը, եւ հենց այդ նպատակին է միտված եղել որոնողական խմբերին հիշյալ տարածքներ մուտք գործելու թույլտվությունից հրաժարվելը:

Նշենք, որ Ալբերտ Ստեփանյանը ընտանիքի միակ արու զավակն էր, բանակ էր զորակոչվել դպրոցն ավարտելուց հետո։ Ալբերտը երկու ամսվա ծառայող էր, երբ սկսվեց պատերազմը։ Նրա հոգեհանգիստը տեղի կունենա այսօր՝ հունվարի 6–ին Պռոշյան գյուղում, իսկ հուղարկավորությունը՝ հաջորդ օրը Պռոշյանի պանթեոնում։ Հավելենք, որ Արցախյան երկրորդ պատերազմում նահատակված տղաներից 20–ը Պռոշյան գյուղից են։

Տպել
Կարդացեք նաև
Ամբողջը
Ստեփանակերտի եւ Բաքվի միջեւ երկխոսության միջազգային մեխանիզմ ձեւավորելու գաղափար կա. Միրզոյան
Նախարարը, մասնավորապես, հիշեցրեց դեռ այս տարվա մարտին Երեւանին փոխանցված Բաքվի հինգ հայտնի սկզբունքները․․․
«Մտադիր չեմ միջազգային որեւէ կենտրոնի հետ քննարկել Ղարաբաղի հարցը». Ալիեւ
Ադրբեջանի Ղարաբաղի շրջանի հայ բնակիչները մեր քաղաքացիներն են, ասել է Ալիեւը...
Քաղաքակիրթ աշխարհի քարե երազները եւ ադրբեջանական կացինը
2004 թվականի փետրվարի 19-ի գիշերը Բուդապեշտում ադրբեջանցի ռամիլ սաֆարովը կացնով սպանեց քնած Գուրգեն Մարգարյանին...
Երկու տարի առաջ Շուշիի մշակույթի տան հրթիռակոծումից զոհվեցին մեր գործընկերները. ոստիկանություն
Հոկտեմբերի 4-ին ոստիկանության պետ, ոստիկանության գեներալ-մայոր Վահե Ղազարյանը, ոստիկանության պետի տեղակալներն ու ոստիկանության կոլեգիայի…
Ադրբեջանի հատուկ ծառայությունները զանգահարում են Արցախի պետական կառույցների համարներին և կեղծ լուրեր տարածում․ ԱՀ ԱԱԾ
ԱՀ ԱԱԾ-ն համապատասխան քայլեր է ձեռնարկում հնարավոր զարգացումները կանխարգելելու համար...
Չեմ կարծում՝ Արցախ բառը պետք է և կարող է լինել Հայաստան-Ադրբեջան կնքվելիք խաղաղության պայմանագրի մեջ. ԱԺ նախագահ
Արցախին վերաբերվող բոլոր հարցերը նախ և առաջ քննարկվում են Արցախի...
Ամենաշատ