Ֆիթնեսով տարված բրիտանացին ստիպել է դստերը ցմահ «պայմանագիր» կնքել՝ պարտավորեցնելով նրան «երբեք չչաղանալ»:
56-ամյա Ռաշիդ Հադլան մեղադրվում է երեխաների հանդեպ դաժանության մեջ` իր այժմ չափահաս դստեր Ամիրայի եւ որդիների` Հեյխամի ու Քարիմի նկատմամբ ցուցաբերած վերաբերմունքի համար, հայտնում է Hyde News & Pictures-ը:
«Ես՝ Ամիրա Հադլան, երբեք թույլ չեմ տա ինձ գիրանալ: Ես շատ վարժություններ կանեմ, որպեսզի երբեք չչաղանամ, մինչեւ մեռնեմ»,- 2012թ. «պայմանագրում» գրել է Ամիրան:
Ամիրայի բռնակալ հայրը նաեւ պարբերաբար ծեծել է նրան եւ ինքը որոշել, թե ինչ կարող է հագնել, ում կարող է տեսնել եւ ինչ կարող է դիտել հեռուստատեսությամբ դուստրը:
Վինձորից ֆիթնեսի ֆանատիկը տարված է եղել իր երեխաների քաշով եւ կշռել է նրանց՝ համոզվելու համար, որ նրանք ավելորդ կիլոգրամներ չեն հավաքել:
Նա խեղդել է իր 18-ամյա որդուն եւ գդալներով ծեծել երեխաներին, եթե համարել է, որ նրանք իրենց վատ են պահել:
Հաղորդվում է, որ հորը «նյարդայնացրել է» իր կրտսեր որդի Հեյխամը, որը ուսման հետ կապված խնդիրներ է ունեցել: 2019-ի հոկտեմբերին նա հարձակվել է տղայի վրա՝ իր քրոջ սենյակը չափազանց դանդաղ մաքրելու համար:
Հաջորդ օրը Հեյխամը մորն ասել է, թե հայրը «չափն անցել է», իսկ հետո ամեն ինչի մասին պատմել է ընկերներին, ովքեր հայտնել են ուսուցիչներին: Դրանից հետո հորը ձերբակալել են:
Հադլան մեղադրվում է երեխաների հանդեպ դաժան վերաբերմունքի եւ հարձակումների մեջ, որոնք մարմնական վնասվածքների պատճառ են դարձել։