Շրի Լանկայի իշխանությունները կոչ են արել կանանց հետաձգել հղիությունը այն բանից հետո, երբ չորս ամսվա ընթացքում ավելի քան 40 ապագա մայրեր մահացել են Covid-19-ից:
Կղզի-երկիրը պայքարում է դելտա-տարբերակով վարակման դեպքերի աճի դեմ այն բանից հետո, երբ ապրիլի կեսերին հանվեցին ուղեւորությունների սահմանափակումները` տեղական Նոր տարին նշելու հետ կապված:
«Սովորաբար մենք ունենում ենք տարեկան 90-100 մայրական մահեր, սակայն երրորդ ալիքի սկզբից ի վեր մենք գրանցել ենք հղի կանանց 41 մահ՝ միայն Covid-ից»,- AFP-ին ասել է առողջության ամրապնդման կառավարական բյուրոյի տնօրեն Չիտրամալի դե Սիլվան:
Պետական մանկաբարձ Հարշա Ատապատուն կոչ է արել «նորապսակ ներին, ինչպես նաեւ նրանց, ովքեր փորձում են երեխա ունենալ, հետաձգել դա առնվազն մեկ տարով՝ Covid-19-ի վտանգի պատճառով»:
Դե Սիլվան ասել է, որ մոտ 5500 ապագա մայրեր վարակվել են կորոնավիրուսով: Նրա խոսքով, նրանց մոտ 70 տոկոսը լիովին պատվաստված է եղել:
Շրի Լանկայում գրանցվել է Covid-19-ով վարակման գրեթե 475 000 եւ մահվան ավելի քան 10 500 դեպք, բայց բժիշկները ասում են, որ իրական թվերը կարող են շատ ավելի բարձր լինել:
