News
Լրահոս
News
Երկուշաբթի
Դեկտեմբեր 06
Տեսնել լրահոսը

Հոկտեմբերի 22-ին մեկնարկեց Հայաստանում պաշտոնական Apple Watch Series 7-ի վաճառքը:  Նոր Apple Watch-ն առանձնանում է իր մեծ էկրանով, գերարագ լիցքավորմամբ և դիմացկունությամբ:

Apple Watch Series 7-ի հիմնական մոդելը, որը պաշտոնապես վաճառքի է հանվել ուրբաթ օրը, արժե 299 000 դրամից սկսած։

Մանրամասն տեղեկություններ կարող եք ստանալ խանութներում և Apple-ի պաշտոնական վերավաճառողների կայքերում` Mobile Centre, ZigZag, Vega, iStore:

Apple Watch Series 7-ը ներկայացվել է սեպտեմբերի 14-ին ՝ Apple-ի շնորհանդեսին: Նախորդներից այս նոր մոդելը տարբերվում է, առաջին հերթին, իր մեծ էկրանով: Այն գրեթե 20 տոկոսով ավելի մեծ է 6-րդ սերիայից և 50 տոկոսով մեծ՝ 3-րդ սերիայից: 7-րդ սերիայի պարագայում մեծ էկրանն առօրյա օգտագործման համար սարքն ավելի հարմարավետ ու պրակտիկ է դարձնում, քանի որ դրա վրա ավելի շատ ինֆորմացիա է տեղավորվում: Օրինակ, տեքստ ընթերցելիս, այժմ ձեզ հարկավոր կլինի ավելի հազվադեպ փոխել էջը, քան նախկինում:

Թարմացված լիցքավորման համակարգի շնորհիվ,  Apple Watch 7-րդ սերիայի ժամացույցը 0 –ից 80 տոկոս լիցքավորելու համար հարկավոր է ընդամենը 45 րոպե:

Retina էկրանն այժմ միշտ միացված է: Այլևս կարիք չկա դիպչել էկրանին՝ ժամն իմանալու կամ այլ տեղեկություններ ստանալու համար: Այն նույնքան պայծառ է, որքան նախկինում և հեշտ է տեսնել ինչպես փակ, այնպես էլ բաց տարածքում: Բայց եթե, օրինակ, փակ տարածքում ձեր ձեռքն իջեցնեք, էկրանը 70 տոկոսով ավելի կպայծառանա, այնպես որ կարող եք զգուշորեն ստուգել ծանուցումները՝ առանց ձեռքը վեր բարձրացնելու:

Ժամացույցի մեծ էկրանն օգտագործելու համար  ամբողջությամբ վերափոխվել է ինտերֆեյսը: Կոճակներն ավելի մեծ են և ավելի հեշտ են սեղմվում, ինչն էլ հեշտացնում է որևէ գաղտնաբառ մուտքագրելու գործողությունը: Այսինքն, հիմա ավելի դյուրին է դարձել էկրանն ապակողպելը, հաշվիչից, վայրկյանաչափից, թայմերից օգտվելը կամ էլ «Չանհանգստացնել» ռեժիմը միացնելը:

Բացի այդ, Apple Watch-ի վրա առաջին անգամ հայտնվել է ամբողջական QWERTY ստեղնաշար։

Այն հասանելի է ամենուր, որտեղ անհրաժեշտ է մուտքագրել որևէ տեքստ, այն ունակ է նույնիսկ գուշակել ձեր մուտքագրած բառը: Apple Watch Series 7-ը նաև երբևէ ստեղծված ամենահուսալի ժամացույցն է: Առջևի ապակին 50 տոկոսով ավելի հաստ է, ինչը նրան դարձնում է անհավանական ամուր և դիմացկուն՝ ճաքերի նկատմամբ:

Իբրև հեղափոխական նորարարություն, կարելի է համարել սենսորը, որի միջոցով հնարավոր է դարձել չափել արյան թթվածնի մակարդակը, սա, ըստ էության, կենսական նշանակություն ունեցող ֆունկցիա է ՝ հատկապես համավարակի պայմաններում: Բացի այդ, սենսորի միջոցով կարող եք հետազոտել ձեր սրտի աշխատանքը, ավելի ճիշտ՝ էլեկտրասրտագրություն /ԷՍԳ/ կատարել ցանկացած պահի, ցանկացած վայրում: Ըստ ամենայնի, ժամացույցն օգնում է վերահսկել ոչ միայն ձեր առօրյան, այլ նաև հետևել ձեր առողջությանը:

Տպել
Կարդացեք նաև
Ամբողջը
Oppo-ն պատրաստում է մատչելի գներով սմարթֆոն՝ երկակի տեսախցիկով եւ 6,56 դիսփլեյով
Նորույթը կմատակարարվի Android 11 օպերացիոն համակարգով․․․
Redmi K50 ընտանիքի սմարթֆոնների մասին ազդարարումը փետրվարին է սպասվում
Ակնկալվում է, որ բոլոր սարքերը կներկայացվեն սեփական MIUI 13 ինտերֆեյսով․․․
Քննարկվել են բարձր տեխնոլոգիաների ոլորտում Բելառուսի հետ համագործակցության ընդլայնման մի շարք հնարավորություններ
Դեսպանը շնորհակալություն է հայտնել ընդունելության համար՝ անդրադարձել Բելառուսի և Հայաստանի միջև տարբեր ոլորտներում ձևավորված…
ԱՄՆ-ում ստեղծել են անօդաչու, որը կարող է թռչնի նման նստել ճյուղերին
Ինժեներները երկար ժամանակ փորձել են «թռչնի վերջույթներ» ստեղծել անօդաչու թռչող սարքերի համար, սակայն մինչ այժմ դրանք եղել են միայն նախատիպեր...
Meta-ն ներկայացրել է հարթակ՝ ընդդեմ համացանցում ինտիմ լուսանկարների տարածման
Ըստ գաղափարի՝ այն օգտատերերին հնարավորություն է տալիս պաշտպանվել պոռնո-վրեժից՝ իրավիճակ, երբ ինչ-որ մեկը ցանց է ներբեռնում այլ մարդկանց․․․
«Հաքերային պայքար»՝ Capture the Flag կիբեռանվտանգության մրցույթի շրջանակում
«Արդեն ավանդույթ է դարձել, առնվազն տարին մեկ անցկացնել «Capture the Flag» մրցույթ, և այս տարի որոշեցինք մրցույթն անցկացնել տարբեր ՏՏ ընկերությունների...
Ամենաշատ