ԵԱՀԿ գործող նախագահ, Շվեդիայի արտաքին գործերի նախարար Անն Լինդեն հայտարարել է հայ-ադրբեջանական սահմանին տիրող իրավիճակի կապակցությամբ իր խորին մտահոգության մասին։

«Կիսում եմ տարածաշրջանում, հատկապես՝ Հայաստանի եւ Ադրբեջանի միջեւ սահմանի երկայնքով վերջին միջադեպերի վերաբերյալ հաղորդագրությունների հետ կապված Մինսկի խմբի համանախագահների մտահոգությունը։ Աջակցություն եմ հայտնում նրանց ջանքերին եւ անհապաղ դեէսկալացիայի եւ հարցերի լուծմանն ուղղված քայլեր ձեռնարկելու կոչ եմ անում կողմերին»,-գրել է նա Twitter-ի իր էջում։