ՆԱՏՕ-ի անդամ Թուրքիան դիմել է 40 F-16 Blok 70 Viper ինքնաթիռ եւ մինչեւ 80 արդիականացման հավաքածու ձեռք բերելու համար։ 2019 թվականին ռուսական զենքի ձեռքբերումը ԱՄՆ-ին դրդել է արգելել Թուրքիային մասնակցել F-35 կործանիչի մշակմանը։

Վաշինգտոնը նաեւ պատժամիջոցներ է կիրառել Թուրքիայի դեմ՝ կապված Ս-400-ի գնման հետ, որը, ըստ նրա, սպառնալիք է F-35 կործանիչների եւ ՆԱՏՕ-ի ավելի լայն պաշտպանական համակարգերի համար:

«Միացյալ Նահանգները միակը չէ, որն աշխարհում ռազմական ինքնաթիռներ է վաճառում։ Մեծ Բրիտանիան, Ֆրանսիան եւ Ռուսաստանը նույնպես վաճառում են»,-ասել է Էրդողանը, հաղորդում է Cumhuriyet-ը։

Վաշինգտոնն ու Անկարան ամիսներ շարունակ բանակցություններ են վարում` փորձելով լուծել կործանիչների հետ կապված վեճը։