Հռոմի պապ Ֆրանցիսկոս I-ը մտահոգություն է հայտնել Լաչինի միջանցքում տիրող իրավիճակի կապակցությամբ։ Այս մասին հայտնում է Վատիկանի գրասենյակը։
Պապը, մասնավորապես, հայտարարել է, որ «անհանգստացած է Հարավային Կովկասում Լաչինի միջանցքում տիրող իրավիճակով»։
«Ինձ անհանգստացնում են մարդկանց կյանքի համար ծանր մարդասիրական պայմանները, որոնք կարող են էլ ավելի վատթարանալ ձմեռային եղանակի պայմաններում», - գրասենյակը մեջբերել է Ֆրանցիսկոս I-ի խոսքերը։
Հիշեցնենք, որ դեկտեմբերի 12-ից, այսպես կոչված, «բնապահպանների» անվան տակ ադրբեջանցիները փակել են Արցախը Հայաստանի հետ կապող Լաչինի միջանցքը։
