ՆախընտրելիՌուսաստանի պաշտպանության ընդհանուր ծախսերը 2024 թվականին աճել են 42%-ով՝ հասնելով 13,1 տրիլիոն ռուբլու, ինչը համարժեք է 462 մլրդ դոլար գնողունակության համարժեքությանը, հայտնում է Financial Times-ը՝ վկայակոչելով Բրիտանական ռազմավարական հետազոտությունների միջազգային ինստիտուտի (IISS) տվյալները։
Ինչպես նշում է հրատարակությունը, Ռուսաստանի ռազմական ծախսերը գերազանցել են ԵՄ բոլոր երկրների և Մեծ Բրիտանիայի պաշտպանական բյուջեները միասին վերցրած։ Նրանց ընդհանուր պաշտպանական ծախսերը 2024 թվականին աճել են 12%-ով՝ հասնելով 457 միլիարդ դոլարի:
Ըստ IISS-ի կանխատեսումների՝ 2025 թվականին Ռուսաստանի ռազմական ծախսերը կաճի 13,7 տոկոսով՝ մինչև 15,6 տրլն ռուբլի։
Բացարձակ թվով Եվրոպայում պաշտպանության վրա ամենաշատը ծախսել են Գերմանիան (86 միլիարդ դոլար), Մեծ Բրիտանիան (81 միլիարդ դոլար) և Ֆրանսիան (64 միլիարդ դոլար): Տոկոսային արտահայտությամբ ամենաշատը վճարել են Էստոնիան (ՀՆԱ-ի 4%-ը) և Լեհաստանը (ՀՆԱ-ի 3,25%-ը), սակայն նրանց բացարձակ ծախսերի ծավալը պակաս է Եվրոպայի երեք խոշորագույն տնտեսություններից՝ համապատասխանաբար 1,7 և 28 մլրդ դոլար:
Ռուսաստանի ռազմական ծախսերը գերազանցել են բոլոր եվրոպական երկրների պաշտպանական բյուջեները միասին վերցրած
