նախընտրելի դարձնելՊիեռ Սալվյակը` ֆրանսիական RTL ռադիոյի աշխատակիցը, հեռացվել է Ֆրանսիայի նոր առաջին տիկին, Ֆրանսուա Օլանդի քաղաքացիական կին, լրագրող Վալերի Թրիերվեյլերի հասցեին վիրավորական թվիթի համար: Այդ մասին հաղորդում է France Soir-ը:
Սալվյակը թվիթերյան իր անձնական էջում գրել է. «Դիմում եմ իմ բոլոր կին գործընկերներին. օգտակար սեքսով զբաղվեք, գուցե հանկարծ Ֆրանսիայի առաջին տիկին դառնալու հնարավորություն ընձեռվի»:
Կանացի համայնքի արձագանքն այնքան կատաղի էր, որ տղամարդը ստիպված է եղել ջնջել թվիթը` ներողություն խնդրելով, որ «կատակը նեղացրել է իր կին գործընկերներին»:
RTL ռադիոկայանի տնօրեն Ժակ Էսնուն թվիթերում Սալվյակի գրառումն անվանել է «միանգամայն» անթույլատրելի եւ լրագրողին քննադատել գռեհկության համար, հաղորդում է lenta.ru-ն:
Այն բանից հետո, երբ Օլանդը դարձել է նախագահ, լրատվամիջոցները բուռն հետաքրքրություն են դրսեւորում նրա ընկերուհու` Վալերի Թրիերվեյլերի նկատմամբ:
Նորընտիր նախագահն ամուսնացած չէ, եւ ընդհանրապես ամուսնացած չի եղել: Սեգոլեն Ռուայալի հետ 30 տարի ապրելով` այժմ Ֆրանսուա Օլանդն ամենուր հայտնվում է իր նոր ընկերուհի Վալերի Թրիերվեյլերի հետ` նրա հետ այնպիսի զույգ կազմելով, որն էապես տարբերվում է պետությունների այլ ղեկավարների զույգերից:
Նման իրադրությունը չի անհանգստացնում ֆրանսիացիներին, սակայն բավականին անհանգստացնում է արտասահմանյան լրատվամիջոցներին: « 47 տարեկանում Օլանդի ուղեկցուհին կլինի պաշտոնապես չամուսնացած առաջին տիկինը», - մեկնաբանում է Daily mail-ը:
