նախընտրելի դարձնել
Սաուդյան Արաբիան վերագործարկել է «Անսար Ալլահ» (հութիներ) շարժման թիրախում հայտնված «Արևելք-Արևմուտք» նավթամուղն ու վերականգնել արտահանումը։ Այս մասին, հղում անելով իր աղբյուրներին, հայտնել է Bloomberg գործակալությունը։
Գործակալության տվյալներով՝ «Saudi Aramco» պետական ընկերությունն արդեն սկսել է նավթի արտահանումը՝ այն հետագայում արտերկիր ուղարկելու համար։ Նշվում է, որ նավթամուղի վերագործարկումը երկրին հնարավորություն կտա կրկին օգտվել արտահանման այլընտրանքային երթուղուց՝ շրջանցելով Հորմուզի նեղուցը։
Ավելի վերջերս գործակալությունը գրել էր, որ Սաուդյան Արաբիան սկսել է նավթ մղել խողովակաշարով (դեռևս կրճատված ծավալներով)։ 1,2 հազար կիլոմետր երկարությամբ «Արևելք - Արևմուտք» նավթամուղով հումքը Արևելյան նահանգի հանքավայրերից տեղափոխվում է Կարմիր ծովի ափին գտնվող Յանբու նավահանգիստ։ Այս զարկերակի թողունակությունը հասնում է օրական 7 միլիոն բարելի։
